काठमाडौं । प्रर्दशनीमार्गमा रहेको रत्न राज्यलक्ष्मी (आरआर) क्याम्पसमा एमालेको भातृ संगठन अनेरास्ववियुको दुई समूहबीच विवादपछि खुकुरी प्रहार भएको छ।

बुधवार बिहान १० बजेको समयमा एउटा समूहले अर्को समूहमाथि खुकुरी प्रहार गर्दा ३ जना घाइते भएका हुन् ।

खुकुरी प्रहार गरेको आरोपमा प्रहरीले ४ जनालाई पक्राउ गरेको छ । पक्राउ पर्नेमा कृष्ण गिरि, झलक तामाङ, द्रुतराज लामा र सविन निरौला छन् ।

खुकुरी प्रहार गरेको आरोपमा ४ जनालाई पक्राउ गरिएको जिल्ला प्रहरी परिसर काठमाडौंले जनाएको छ ।