कैलाली । कैलालीमा प्रहरीले चरेससहित एक जनालाई पक्राउ गरेको छ । पक्राउ पर्नेमा बझाङको दुर्गाथली गाउँपालिका–७ काँडाका ३६ वर्षीय यमराज दौल्याल रहेका छन् ।

उनलाई गोदावरी नगरपालिका वडा नम्बर २ बसपार्कमा रहेको नव‍ीन होटलबाट प्रकाउ गरिएको जिल्ला प्रहरी कार्यालय कैलालीले जनाएको छ ।

सादा पोसाकमा खटिएका प्रहरीले दौल्याललाई चरेससहित कोठा नम्बर १०१ बाट नियन्त्रणमा लिएको थियो ।

पक्राउ परेका दौत्यालको साथबाट ९ किलो ३४० ग्राम चरेस बरामद गरिएको प्रवक्ता तथा प्रहरी नायव उपरीक्षक वेदप्रकाश जोशीले जानकारी दिए । उनीमाथि प्रहरीले थप अनुसन्धान गरिरहेको छ ।