काठमाडौं । उपप्रधान तथा गृहमन्त्री रवि लामिछाने मंगलवार बिहान साढे ९ बजे मन्त्रालय पुगेका छन् । कार्यालय खुल्ने समय १० बजे भए पनि उनी आधा घण्टाअघि नै मन्त्रालय पुगेका हुन् ।

गृहमन्त्री लामिछानेले मंगलवार निवर्तमान गृहमन्त्री बालकृष्ण खाँणसँग भेटवार्ता गर्ने भएका छन् । मंगलवार बिहान मन्त्रालयका कर्मचारीसँग छलफलपछि निवर्तमान गृहमन्त्री खाँणसँग भेटवार्ता गर्ने कार्यक्रम रहेको छ ।

यसबीच उनले शुभेच्छुकसँग भेटघाट गर्ने कार्यक्रम समेत रहेको जनाइएको छ । गृहमन्त्री रवि मंगलवार बिहान साढे ९ बजे गृह मन्त्रालय पुगेका छन् ।

कार्यालय खुल्ने समय १० बजे भए पनि उनी आधा घण्टाअघि नै मन्त्रालय पुगेका हुन् । मन्त्री रविले सोमवार पद तथा गोपनीयताको शपथ लिएर कार्यभार सम्हालेका थिए ।

गृह मन्त्रालयका सचिव विनोदप्रकाश सिंह मन्त्रीभन्दा ढिलो हाजिर भएका छन् । सचिव सिंह बिहान ९ः५० बजे मन्त्रालय पुगेका छन् ।मन्त्री पहिल्यै आएर बसेपछि अन्य कर्मचारीले समेत हतारहतार मन्त्रालय आएर हाजिर गरेका छन् ।