काठमाडौं । कांग्रेस सभापति एवं निवर्तमान प्रधानमन्त्री शेरबहादुर देउवाले नवनियुक्त प्रधानमन्त्री पुष्पकमल दाहाल ‘प्रचण्ड’लाई बधाई दिएका छन् ।

राष्ट्रपति भवन शीतल निवासमा सोमवार अपराह्न आयोजित शपथग्रहण समारोहमा  सरिक भएका देउवाले प्रत्यक्ष रूपमा र सामाजिक सञ्जालमार्फत पनि बधाई दिएका हुन् ।

‘नवनियुक्त प्रधानमन्त्री​ @cmprachanda लाई हार्दिक बधाई तथा शुभकामना,’ देउवाले ट्वीट गरेका छन् ।

प्रचण्डलाई बधाई दिएर देउवा कार्यक्रम नसकी शीतल निवासबाट बाहिरिए।