काठमाडौं । अभिनेता दीपकराज गिरीले प्रधानमन्त्री शेरबहादुर देउवालाई तिखो व्यङ्ग्य गरेका छन् । संसदीय ठूलो पार्टी नेपाली काँग्रेस सत्ताबाट बाहिरिएपछि उनले देउवालाई लक्षित गर्दै व्यङ्ग्य गरेका हुन् ।

उनले समाजिक सञ्जालमार्फत शेरबहादुरजी र काँग्रेसको भागमा संसदीय दलको नेता पो छँदैछ नी भन्दै व्यङ्ग्य गरे । उनले लेखेका छन्, ‘के को चिन्ता ? शेरबहादुरजी र काँग्रेसको भागमा संसदीय दलको नेता पो छँदैछ नी !’

आइतवार नेकपा एमालेका अध्यक्ष केपी शर्मा ओलीको पहलमा नेकपा माओवादी केन्द्रका अध्यक्ष पुष्पकमल दाहाल प्रचण्ड देशको ४४औँ प्रधानमन्त्री बनेका छन् ।

आइतबार साँझ राष्ट्रपति विद्यादेवी भण्डारीले दाहाललाई नियुक्त गरेकी हुन् । संविधानको धारा ७६ को (२) अनुसार दाहाललाई राष्ट्रपतिले प्रधानमन्त्रीमा नियुक्त गरेकी हुन् ।

दाहालले दोस्रो ठूलो दल नेकपा एमालेसहित सात दल र ३ स्वतन्त्र गरी १६९ सांसदको समर्थन जुटाएर प्रधानमन्त्रीका लागि राष्ट्रपति समक्ष दाबी पेस गरेका थिए ।