काठमाडौं । जनता समाजवादी पार्टी (जसपा)का नेता अशोक राई नेकपा (एमाले)का अध्यक्ष केपी शर्मा ओलीको निवास बालकोटमा जारी बैठकबाट बाहिरिएका छन् ।

सत्ता समीकरणका विषयमा पार्टीभित्र छलफल गर्ने भन्दै राई बैठकबाट बाहिरिएका हुन् ।

बैठकबाट बाहिरिने क्रममा उनले नयाँ गठबन्धन बन्न सक्ने संकेत मिलेको बताए । एमाले र नेकपा (माओवादी केन्द्र)सहितको सरकार पनि बन्न सक्ने उनको भनाइ छ ।

जसपाको बैठक आइतबार दिउँसो नै बस्दैछ ।

बालकोट बैठकमा नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी र जनता समाजवादी पार्टीका नेताहरु सहभागी छन् ।