प्रतिनिधि सभा सदस्य लालवीर चौधरी नागरिक उन्मुक्तिमा प्रवेश

काठमाडौं । स्वतन्त्र उम्मेदवारी दिएर बर्दिया-२ बाट प्रतिनिधिसभा सदस्यमा निर्वाचित भएका लालवीर चौधरी नागरिक उन्मुक्ति पार्टीमा प्रवेश गरेका छन् ।

सो पार्टीका संरक्षक रेशम चौधरीका बुबासमेत रहेका चौधरी औपचारिकरूपमै पार्टी प्रवेश गरेका हुन् ।

शुक्रबार बुहारीसमेत रहेकी नागरिक उन्मुक्ति पार्टीकी अध्यक्ष रञ्जिता श्रेष्ठले लालवीरलाई पार्टीमा स्वागत गरिन् ।

मंसिर ४ गतेको निर्वाचनमा उनले स्वतन्त्रबाट उम्मेदवारी दिएका थिए ।

रेशम चौधरीको उम्मेदवारी खारेज हुने सम्भावना भएपछि पार्टीले 'ब्याकअप' उम्मेदवारको रूपमा लालवीरलाई उम्मेदवार बनाएको थियो ।

प्रतिक्रिया दिनुहोस्

नयाँ अपडेट