काठमाडौं । नेकपा माओवादीका नेता तथा अर्थमन्त्री जनार्दन शर्माले कांग्रेस संसदीय दलको नेतामा निर्वाचित शेरबहादुर देउवालाई बधाई तथा शुभकामना दिएका छन् ।

निर्वाचित भएको केही समयमै माओवादी नेता शर्मा प्रधानमन्त्रीसमेत रहेका देउवालाई बधाई दिन बालुवाटारस्थित प्रधानमन्त्री निवास पुगेका हुन् ।

प्रधानमन्त्री एवं पार्टी सभापति शेरबहादुर देउवा आजै कांग्रेस संसदीय दलको नेतामा महामन्त्री गगनकुमार थापालाई ३९ मतान्तरले पराजित गर्दै निर्वाचित भएका छन् ।