सल्यान । सल्यानमा बस दुर्घटना हुँदा ११ जना घाइते भएका छन् ।

छत्रेश्वरी गाउँपालिका–१ दमाचौरदेखि दाङको तुलसीपुर जाँदै गरेको ना ८ ख २५३ नम्बरको बस राप्ती राजमार्गको सिद्धकुमाख गाउँपालिका–१ को पटारेमा मंगलबार दिउँसो दुर्घटना भएको हो ।

जिल्ला प्रहरी कार्यालय सल्यानका अनुसार घाइते सबैको अवस्था सामान्य रहेको र उनीहरुको कान्तिपुर सामुदायिक अस्पतालमा उपचार भइरहेको छ ।

बसमा ३९ यात्रु सवार रहेको बुझिएको छ ।