काठमाडौं । देशभरमै सर्वाधिक लोकप्रिय मत पाएर चुनाव जितेर कीर्तिमान कायम गरेका एमाले अध्यक्ष केपी शर्मा ओलीलाई सम्मानित गरिएको छ ।

मंसिर ४ गतेको प्रतिनिधि सभा निर्वाचनमा ओली झापा ५ बाट ५२ हजार ३१९ मत सहित विजयी भएका थिए ।

प्रज्ञा प्रतिष्ठानमा मंगलबार पार्टीले आयोजना गरेको विशेष कार्यक्रममा ओलीलाई सम्मान गरिएको हो । नेपाल कम्युनिस्ट पार्टीका संस्थापक महासचिव तथा जेष्ठ कम्युनिस्ट विजयलाल श्रेष्ठले ओलीलाई खादा ओढाएर सम्मानित हुन् ।

सोही कार्यक्रममा प्रतिनिधिसभा र प्रदेशसभा सदस्यमा निर्वाचित सांसदहरूलाई सामूहिक रुपमा अभिनन्दन गरिएको छ ।