काठमाडौं । नेकपा एकीकृत समाजवादीका पोलिटब्यूरो सदस्य एवं पूर्वमन्त्री प्रेमबहादुर आलेलाई मातृशोक परेको छ ।

उनकी आमा ७८ वर्षीया गङ्गादेवीको आज बिहान ४ बजे काठमाडौंको ग्राण्डी अन्तर्राष्ट्रिय अस्पतालमा उपचारका क्रममा निधन भएको हो ।

उच्च रक्तचापका कारण गएको मङ्सिर ११ उनलाई डोटीबाट काठमाडौँ ल्याई अस्पताल भर्ना गरिएको थियो ।

उनको मंगलबार ११ बजे पशुपति आर्यघाटमा अन्त्यष्टि गरिने छ ।