एजेन्सी । क्यानाडाको टोरोन्टोस्थित निजी अपार्टमेन्टको एउटा ब्लकमा एकजना बन्दुकधारीले गोली प्रहार गर्दा ५ जनाको मृत्यु भएको छ ।

टोरोन्टोदेखि करिब ३० किलोमिटर उत्तरमा पर्ने भउगनस्थित गोली चलेको भवनमा पुगेको प्रहरीसँगको भिडन्तमा आक्रमणकारीको समेत मृत्यु भएको छ । घटनामा घाइते भएका एक व्यक्तिलाई अस्पताल भर्ना गरिएको छ ।

सोही घटनाको बारेमा प्रहरीले अनुसन्धान गरिरहेको छ। सोही फ्ल्याटमा १ सय भन्दा बढीको बसोबास रहेको बुझिएको छ ।

घटनाका बेला सर्वसाधारणबीच भागदौड मच्चिएको थियो ।