काठमाडौं । फ्रान्सका फरवार्ड केलियन एमबाप्पेले फिफा विश्वकप २०२२ को गोल्डेन बुट अवार्ड जितेका छन् ।

उनले विश्वकपको फाइनलमा ह्याट्रिकसहित प्रतियोगिताभरि ८ गोल गरेका थिए ।

उनले अर्जेनन्टिनासँगको फाइनलमा २–० ले पछाडि परेको अवस्थामा गोल फर्काएर खेललाई थप रोमाञ्चक बनाएका थिए ।

८०औं मिनेटमा पेनाल्टीमा पहिलो गोल गरेलगत्तै अर्को मिनेटमा गोल गरेपछि खेल बराबरीमा ल्याएका थिए ।

अतिरिक्त समयको अन्तिम मिनेटमा फेरि पछाडि परेको अवस्थामा ह्याट्रिक पूरा गर्दै खेल ३–३ को बराबरी ल्याएका थिए ।