काठमाडौं । स्वास्थ्य मन्त्रालयका अनुसार शनिबार १ जनामा कोरोना संक्रमण पुष्टि भए पनि आइतबार भने नयाँ संक्रमित थपिएका छैनन् ।

१९९ जनामा कोरोना परीक्षण गर्दा कसैमा पनि संक्रमण पुष्टि नभएको मन्त्रालयले जनाएको छ ।

नयाँ संक्रमित नथपिए पनि देशभर सक्रिय संक्रमितको संख्या ११ जना रहेको छ ।

हाल नेपालमा कोभिडबाट संक्रमणमुक्त हुने दर पनि ९८ प्रतिशत रहेको छ। हालसम्म नेपालमा ९९ प्रतिशत जनसंख्याले कोभिडविरुद्ध खोप लगाइसकेका छन्।