काठमाडौं । नेपालमा तीन वर्षपछि दैनिक कोभिड–१९ संक्रमितको संख्या शून्य भएको छ ।

पछिल्लो २४ घण्टामा देशभर एकजना पनि संक्रमित थपिएका छैनन् । सो समयमा ८४६ नमूना परीक्षण भएको जनसंख्या मन्त्रालयले जनाएको छ ।

मन्त्रालयका सहायक प्रवक्ता समिर कुमार अधिकारीका अनुसार कोभिड–१९ संक्रमण सुरु भएपछि पहिलो पटक पछिल्लो २४ घण्टामा संक्रमित संख्या शून्य भएको हो ।

आज एकजना कोरोना संक्रमणमुक्त भएका छन् । योसँगै हाल देशभर सक्रिय संक्रमितको संख्या १४ रहेको मन्त्रालयले जनाएको छ ।