काठमाडौं । नेपाल घुम्न आएका बलिउड अभिनेता विवेक ओवरायले बिहीबार बिहान पशुपतिनाथ मन्दिर दर्शन गरेका छन् ।

आज बिहान सपरिवार पशुपति गएर उनीहरूले पूजाअर्चना गरेका हुन् । बुबाआमा, श्रीमती र छोराछोरीसहित विवेक बुधबार साँझ काठमाडौं उत्रिएका थिए ।

विवेकले पशुपतिको दर्शन गर्ने धेरै पहिलादेखिको धोको बल्ल पूरा भएको भन्दै खुसी व्यक्त गरे । व्यवसायी पुनम यादवको पहलमा नेपाल आएका ओबरोय आजै चन्द्रागिरी जानेछन् ।

नेपाल बसिन्जेल सगरमाथा बेसक्याम्प, पोखरा, लुम्बिनीलगायतका ठाउँको भ्रमण पनि गर्दैछन् ।