काठमाडौं । नेकपा माओवादी केन्द्र निकट विद्यार्थी संगठन अनेरास्ववियु क्रान्तिकारीकी अध्यक्ष पञ्चा सिंहमाथि आर्थिक चलखेलको गम्भीर आरोप लागेको छ ।

सिंहमाथि सोही संगठनका समानान्तर संयोजक र ६ उपाध्यक्षहरूले आर्थिक चलखेल गरेको आरोप लगाएका हुन् । क्रान्तिकारीका अध्यक्ष सिंहले कलेज सम्बन्धनमा ‘बार्गेनिङ’ गरेको आरोप लागेको छ ।

अनेरास्ववियु क्रान्तिकारीकी अध्यक्ष पञ्चा सिंहमाथि आर्थिक चलखेलको गम्भीर आरोप लागेको छ । सिंहमाथि सोही संगठनका समानान्तर संयोजक र ६ उपाध्यक्षहरूले आर्थिक चलखेल गरेको आरोप लगाएका हुन् ।

सिंहले सिटिइभिटी र पोखरा विश्वविद्यालयको सम्बन्धन वितरणमा पैसाको चलखेल गरेको अखिल क्रान्तिकारीकै उपाध्यक्षहरुले आरोप लगाएका छन् ।

२२औं महाधिवेशनमा पार्टी अध्यक्ष पुष्पकमल दाहाल ‘प्रचण्ड’ले अध्यक्षको जिम्मेवारी नेतृ पञ्चा सिंहलाई सुम्पिएपछि सुरू भएको विवाद अहिले उत्कर्षमा पुगेको छ ।

महाधिवेशनमा सहमति नभएपछि पवन कार्कीको नेतृत्वमा अखिल क्रान्तिकारीको समानान्तर केन्द्रीय कमिटी सञ्चालन हुँदै आएको छ ।

पञ्चा सिंहले नेतृत्व गरेको संगठनले अखिल क्रान्तिकारीका नाममा संगठनलाई अस्तव्यस्त बनाएर शैक्षिक माफियासँग मिलेमतो गरी विश्वविद्यालयका पदाधिकारीसँग नयाँ कार्यक्रमको सम्बन्धन र कार्यक्रम विस्तारका नाममा आर्थिक भागबन्डा गरेको समानान्तर कार्कीको आरोप छ ।