एजेन्सी । दुबईमा एयर इण्डिया एक्सप्रेसको जहाजभित्र सर्प भेटिएको छ। केरलाको कालोकटबाट शनिबार दुबई अवतरण गरेको बी ३७-८०० नम्बरको जहाजभित्र सर्प भेटिएको हो ।

पछि यहाँको नागरिक उड्डयन महानिर्देशनालयले घटनाको छानबिन गर्न आदेश दिएको छ । विमानको सामान राख्ने स्थानमा सर्प भेटिएको थियो।

विमानबाट सबै यात्रु सकुशल बाहिर निकालिएको थियो। नागरिक उड्डयन महानिर्देशनालयले जहाजभित्र सर्प भेटिएकोबारे जानकारी दिँदै सर्प निकाल्न एयरपोर्टको फायर सर्भिसलाई बोलाइएको थियो ।

तर, एयर इन्डिया एक्सप्रेसले घटनाबारे केही जानकारी दिएको छैन।