डडेल्धुरा । प्रहरीले लागूऔषधसहित डडेल्धुराबाट एक जनालाई पक्राउ गरेको छ। पक्राउ पर्नेमा जिल्लाको अमरगढी नगरपालिका–१ ढुन्ढुनेका ५८ वर्षीय बिरबहादुर ऐर रहेका छन् ।

शनिबार बेलुकी जिल्लाको अमरगढी नगरपालिका-१ ढुन्ढुनेस्थित कैलपाल किराना तथा चिया पसलमा लागुऔषध चरेस रहेको

भन्ने गोप्य सुचनाको आधारमा खटिएको प्रहरी टोलीले पसल तथा घर खानतलासी गर्दा उक्त पदार्थ फेला पारेको जिल्ला प्रहरी कार्यालय डडेल्धुराले जनाएको छ ।

पक्राउ परेका ऐरलाई हिरासतमा राखिएको छ भने आज आइतबार जिल्ला अदालत डडेल्धुरामा पेस गरिने छ । उनको साथबाट ६ ५४० किलोग्राम चरेस बरामद गरिएको छ ।