काठमाडौं । नेपाल क्रिकेट संघ (क्यान) ले नेपाल टी-२० लिगको पहिलो संस्करण डिसेम्बर २३ देखि सुरु गर्ने घोषणा गरेको छ ।

यसअघि डिसेम्बर १२ देखि ३१ सम्म गर्ने मिति तोकिए पनि क्यानले बिहीबार नयाँ मिति सार्वजनिक गरेको हो ।

यस्तै लिगमा ६ फ्रेन्चाइजले प्रतिस्पर्धा गर्नेछन् । क्यानका अनुसार काठमाडौं गोर्खाजले नाम फिर्ता लिएपछि उसको सट्टामा काठमाडौं नाइट्स भित्रिएको छ ।

अन्य टिममा विराटनगर सुपर किंग्स, जनकपुर रोयल्स, पोखरा एभेन्जर्स, लुम्बिनी अल स्टार र फार वेस्टर्न युनाइटेड छन् । लिगमा ३० जना विदेशी खेलाडीको सहभागिता रहने क्यानले जनाएको छ ।