बारा । कलैया उपमहानगरपालिकाको ग्रेडर र ट्रयाक्टरको ब्याट्री चोरी भएको छ ।  सिंचाइ कार्यालय परिसरबाट आइतबार रातिको समयमा पार्किङ गरेर राखिएको एउटा ग्रेडर र ५ वटा ट्रयाक्टरको ब्याट्री चोरी भएको हो ।

ग्रेडरको १५० एम्पीयरको दुईवटा र ट्याक्टरको सय एम्पियरको पाँच वटा ब्याट्री चोरी भएको हो । उपमहानगरपालिकाले पछिल्लो एक महिनादेखि कलैया ५ स्थित सिंचाइ कार्यालय परिसरमा गाडी राख्दै आएको थियो ।

कलैया उपमहानगरपालिकाले लगभग ३ लाखको हाराहारीमा पर्ने ब्याट्री चोरी भएको जनाएको छ । सिंचाइ कार्यालयको उक्त भवनमा कलैयास्थित अस्थायी ट्राफिक पोष्टमा कार्यरत ७ जना ट्राफिक प्रहरी र कलैया उपमहानगरपालिकाका ४ जना कर्मचारीहरू बस्दै आएका थिए ।

ट्राफिक प्रहरी र कर्मचारी बस्दै आएको कार्यालय परिसरबाट ब्याट्री चोरी भएको हो । जिल्ला प्रहरी कार्यालय बाराकाले ब्याट्री चोरी भएको घटनाको सम्बन्धमा अनुसन्धान सुरु गरेको छ ।