काठमाडौं । नामिबियामा भइरहेको आईसीसी विश्वकप लिग–२ त्रिकोणात्मक सिरिजअन्तर्गत नेपाल आज स्कटल्याण्डसँग खेल्दैछ ।

यी दुई टोलीबीचको खेल दिउँसो १ः४५ देखि विन्डहोकस्थित युनाइटेड क्रिकेट क्लब मैदानमा सुरु हुनेछ । जारी सिरिजमा नेपाल पहिलो जितको खोजीमा छ ।

शुक्रबार भएको पहिलो खेलमा नेपालले वर्षाका कारण नामिबियासँग अंक बाँडेको थियो । अहिलेसम्म विश्वकप लिग–२ मा स्टकटल्याण्डले उत्कृष्ट प्रदर्शन गरिरहेको छ ।

उसले २९ म्याच खेल्दा २० मा जित र ७ खेलमा मात्र हार बेहोरेको छ । नयाँ कप्तान रोहित पौडेलको कप्तानीमा नेपालले पहिलो पटक लिग टु खेलिरहेको छ ।