काठमाडौं । बेल्जियम विश्वकप फुटबलको समूह चरणबाटै बाहिरिएको छ ।

विश्वकप फुटबल अन्तर्गत गएराति अहमद बिन अल स्टेडियममा भएको निर्णायक खेलमा क्रोएसियासँग बराबरी खेल्दै समूह चरणाबटै बाहिरिएको हो ।

चार वर्षअघि रसियामा भएको विश्वकपमा तेस्रो बनेको बेल्जियमले तीन खेलमा मात्र एक जित र एक गोल गर्दै प्रतियोगितामा निराशाजनक प्रदर्शन गरेको छ । बेल्जियम विश्व वरीयतामा दोस्रो स्थानमा रहेको टोली हो ।

खेलमा बराबरी खेल्दै क्रोएसियाले ३ खेलबाट ५ अंक जोड्यो । यता बेल्जियमले ३ खेलबाट ४ अंक जोडेर बाहिरियो । विश्वकप २०१८ को फाइनलमा पुगेको क्रोएसिया समूह ‘एफ’बाट उपविजेताको रूपमा अघिल्लो चरणमा पुगेको हो ।