काठमाडौं । कतारमा जारी विश्वकप फुटबल अन्तर्गत मोरोक्को समूह ‘एफ’को विजेता बन्दै विश्वकपको नकआउट चरणमा प्रवेश गरेको छ । गएराति भएको खेलमा क्यानडालाई हराउँदै मोरोक्को ३६ वर्षपछि विश्वकपको नकआउट चरणमा पुगेको हो ।

मोरोक्कोले चौथो मिनेटमै खेलमा अग्रता लिएको थियो। क्यानडाका गोलकिपर मिलान बोर्यानको गल्तिलाई हाकिम जियेकले गोलमा परिणत गरेका थिए।

२३औँ मिनेटमा युसेफ एन-नेसिरीले गोल गर्दै मोरोक्कोको अग्रता दोब्बर पारे। ४०औँ मिनेटमा नायेफ अगुएर्डले क्यानडाका लागि गोल गर्दै खेलमा फर्किने प्रयास गरेपनि मोरोक्कोले अन्ततः २-१ को विजय हासिल गर्‍यो।

मोरोक्को यसअघि सन् १९८६ मा मात्रै अन्तिम १६ मा पुगेको थियो। विश्वकप २०१८ को उपविजेता क्रोएसियालाई उछिन्दै मोरोक्को समूह विजेता बनेकोहो।