रौतहट । रौतहटबाट स्रोत नखुलेको ११ लाख ३९ हजार ८ सय नेपाली रुपैयाँसहित दुईजना पक्राउ परेका छन् ।

विशेष सूचनाको आधारमा सशस्त्र प्रहरी बल नेपाल नम्बर ११ गण रौतहटले प्रदेश ३–०२–०१३ प ४९५६ नम्बरको मोटरसाइकलमा भारतबाट नेपालतर्फ आउँदै गरेका गढीमाई नगरपालिका ४ संग्रामपुर बस्ने २९ वर्षीय राजु कुमार यादव र वडा नम्बर ९ बरियारपुर बस्ने ३३ वर्षीय राजेश प्रसाद यादवलाई पक्राउ गरेको हो ।

उनीहरुलाई गौर नगरपालिका ५ स्थित बरहवा पुल इलाकाबाट बुधबार पक्राउ गरिएको सशस्त्र प्रहरीले जनाएको छ । उनीहरुको साथमा फेला पारेको उल्लेखित रुपैयाँको श्रोत खुलाउन नसकेपछि नियन्त्रणमा लिएको बताइएको छ ।

उनीहरूलाई बरामद रुपैयाँ तथा मोटरसाइकलसहित आवश्यक कारबाहीको लागि भन्सार कार्यालय गौरमा बुझाइएको छ ।