काठमाडौं । नेपाली म्युजिक उद्योगका गायक, रचनाकार एवं संगीतकार सुनिल गिरीले विवाह गरेका छन् ।

फेसबुकमार्फत ‘भाग्यमानी’ बोलको म्युजिक भिडियो सार्वजनिक गर्दै उनले अञ्जु आचार्यसँग आफूले विवाह गरेको जनाएका छन् ।

बेहुला बेहुली लुक्समा फिचर्ड उनीहरुले यो म्युजिक भिडियोमा अभिनय समेत गरेका छन् । केही वर्षदेखि उनीहरु प्रेममा रहेको जनाइएको छ ।

केही वर्षदेखि प्रेममा रहेको उनीहरू म्युजिक भिडियोमा बेहुला बेहुली पहिरनमा देखिन्छन् । यो गीतको कम्पोज गिरीले आफैं गरेका छन् । उक्त भिडियो नेपाल र जर्मनीमा छायांकन गरिएको छ ।

को होला त्यो, झरी परेको रात, सोल्टिनी, झम्के साँझ सुनिलका हिट गीत हुन् ।