काडमाडौं ।नेपाली कांग्रेसका नेता तथा प्रतिनिधिसभा सदस्य प्रदीप पौडेलले प्रतिस्पर्धी उम्मेदवारले निर्वाचनका क्रममा पेश गरेका एजेण्डा र प्रतिबद्धतालाई साझा मुद्दा बनाइने बताएका छन् ।

सोही अनुसार काठमाडौं क्षेत्र नम्बर ५ मा आफ्नो प्रतिस्पर्धी बनेका स्वतन्त्र उम्मेदवार सुशान्त श्रेष्ठले बनाएको ‘गुनासो एप’ लाई सुविधा थपेर सञ्चालन गर्ने पौडेलले घोषणा गरेका हुन् ।

पौडेलले सामाजिक सञ्जालमा लेखेका छन्, ‘प्रतिस्पर्धी उम्मेदवार सुशान्त श्रेष्ठले बनाउनु भएको गुनासो एप र मैले घोषणा गरेको सांसदसँग डिजिटल कनेक्टिभिटी एपको कन्सेप्ट मिल्दोजुल्दो भएकाले गुनासो एपलाई सुशान्तजी र मेरो सचिवालयले थप सुविधा थपेर संचालनमा ल्याउने निधो पनि गरियो ।’

पौडेलले मंसिर ४ मा सम्पन्न निर्वाचनको दौरानमा उम्मेदवारहरुले पेश गरेका प्रतिबद्धता र एजेण्डाहरु निर्वाचन क्षेत्र र राष्ट्र विकासका लागि

भएको भन्दै सबैले पेस गरेका एजेण्डाहरुलाई साझा मुद्दा बनाएर सँगसँगै अगाडि बढ्ने आफूहरुको उद्देश्य भएको पौडेलको भनाइ छ ।

त्यसका लागि आफूले प्रतिस्पर्धी उम्मेदवार छलफल सुरु गरेको पनि पौडेलले बताए । पौडेल प्रतिनिधिसभा सदस्यमा काठमाडौं क्षेत्र नम्बर ५ बाट विजयी भएका हुन् ।

काठमाडौं ५ मा एमालेका वरिष्ठ उपाध्यक्ष ईश्वर पोखरेलसहित २९ उम्मेदवार थिए ।