विराटनगर । सुनसरीको क्षेत्र नम्बर ४ मा स्थगित मतगणना सुचारू गर्ने बारे छलफल गर्न मुख्य निर्वाचन अधिकृतको कार्यालयमा सर्वदलीय बैठक सुरू भएको छ ।

सुनसरीको इनरुवास्थित भगवती माविको मतगणनास्थलमै बैठक सुरु भएको हो ।  त्यहाँ शनिबार अपराह्नदेखि मतगणना रोकिएको छ ।

मुख्य निर्वाचन अधिकृतको कार्यालयको आह्वानमा जारी बैठकमा सो क्षेत्रका उमेदवार, राजनीतिक दलका प्रतिनिधि, मुख्य निर्वाचन अधिकृतलगायत व्यक्ति सहभागी छन् ।

यो क्षेत्र कांग्रेस उम्मेदवार तथा सञ्चार तथा सूचना प्रविधिमन्त्री ज्ञानेन्द्रबहादुर कार्कीको क्षेत्र हो ।

मतगणनाका क्रममा राजनीतिक दलहरुबीच विवाद भएपछि मतगणना कार्यक्रम स्थगित गरिएको बताइएको छ ।