सुनसरी । सुनसरी निर्वाचन क्षेत्र नम्बर ४ को मतगणना रोकिएको छ । मुख्य निर्वाचन अधिकृतको कार्यालयले अनिश्चितकालका लागि मतगणना स्थगित गर्ने निर्णय गरेको हो ।

यो क्षेत्र कांग्रेस उम्मेदवार तथा सञ्चार तथा सूचना प्रविधिमन्त्री ज्ञानेन्द्रबहादुर कार्कीको क्षेत्र हो ।

मतगणनाका क्रममा राजनीतिक दलहरुबीच विवाद भएपछि मतगणना कार्यक्रम स्थगित गरिएको बताइएको छ ।

भोलि बिहान ८ बजे सर्वदलीय बैठक बसेर निर्णय लिनेगरी मतगणना स्थगित भएको हो ।

शनिबार सर्वदलीय र सर्वपक्षीय बैठकमा विवाद हुँदा मतगणनाको वातावरण नभएको भन्दै निर्वाचन अधिृकतको कार्यालयले स्थगित गरिएको जनाएको छ।