एजेन्सी । विश्वकप फुटबल प्रतियोगिताअन्तर्गत आज शनिवार भएको दोस्रो खेलमा पोल्यान्डले साउदी अरेबियालाई पराजित गरेको छ ।

एजुकेशन सिटी स्टेडियममा भएको खेलमा पोल्यान्डले साउदी अरेबियालाई २–० गोलले पराजित गरेकने हो ।

पोल्यान्डको जितमा खेलको ४० अ‍ौँ मिनेटमा पिटर जिलेन्स्की र ८२ औँ मिनेटमा रोबर्ट लेवान्डोस्कीले गोल गरे ।

युरोपेली फुटबलमा प्रभावशाली फरवार्ड भए पनि विश्वकपमा भने लेवान्डोस्कीको यो पहिलो गोल हो। पोल्यान्डबाट एक सय ३६ खेलमा लेवान्डोस्कीले ७७ गोल गरेका छन् ।

सन् २०१८ विश्वकपमा डेब्यू गरेका लेवान्डोस्कीको टिम चार वर्षअघि समूह चरणबाट बाहिरिएको थियो। समूह चरणका तीन खेलमा दुई गोल गरे पनि लेवान्डोस्कीको नाम स्कोर सिटमा थिएन।

यो जितसँगै पोल्यान्ड २ खेलमा ४ अङ्कसहित समूह ‘सी’ को शीर्ष स्थानमा उक्लिएको छ । साउदी अरेबिया तालिकाको दोस्रो स्थानमा छ ।