दाङ । दाङ क्षेत्र नम्बर ३ मा नेपाली कांग्रेसका केन्द्रीय सदस्य दीपक गिरी निर्वाचित भएका छन् । उनी ७ हजार ८ सय १० मतान्तरले विजयी भएका हुन् ।

कांग्रेस उम्मेदवार गिरीले ३६ हजार ८ सय ८२ मत प्राप्त गरे । उनका निकटतम प्रतिस्पर्धी नेकपा एमालेकी केन्द्रीय सदस्य कोमल वलीले २९ हजार ३२ मत प्राप्त गरिन् ।

राष्ट्रिय स्वतन्त्र पार्टीका उम्मेदवार कमल सुवेदीले १५ हजार बढी मत प्राप्त गरे ।

यो निर्वाचन क्षेत्रमा ९० हजार १ सय ५० मत खसेको थियो ।