काठमाडौं । गोरखाका प्रदेशसभा निर्वाचन क्षेत्रको मतगणना सकिएको छ । गोरखाका ४ वटा प्रदेशसभा निर्वाचन क्षेत्रमध्ये नेपाली कांग्रेसले २ सीट जित्दा माओवादी केन्द्र र नेपाल समाजवादी पार्टीले १/१ सीट जितेका छन् ।

गोरखा प्रदेशसभा निर्वाचन क्षेत्र १ (१) मा माओवादी केन्द्रका कृष्ण धिताल विजयी भएका छन् । धितालले १४ हजार २७६ मत ल्याए । नेकपा एमालेका उम्मेदवार सुरेन्द्र थापाले ८ हजार ८०२ मतमात्र पाए ।

क्षेत्र नम्बर १ (२) मा कांग्रेसका नन्द्रप्रसाद न्यौपाने विजयी भए । न्यौपानेले १६ हजार २६१ मत पाउँदा उनका प्रतिस्पर्धी एमालेका मोहन भट्टराईले ७ हजार ५३३ मत पाए । यी दुईबीच ८ हजारको मतान्तर छ ।

प्रदेशसभा २ (१) मा नेपाल समाजवादीका फणिन्द्र देवकोटाले जीत निकालेका छन् । देवकोटाले एमाले उम्मेदवार राजु रानालाई ६ हजार बढीको मतान्तरले हराएका हुन् ।

देवकोटाले १० हजार २४७ मत पाउँदा राजु रानाले ४ हजार २०४ मत पाए ।गोरखा २ (२) मा कांग्रेसबाट मुख्यमन्त्रीको दाबेदारका रुपमा हेरिएका सुरेन्द्रराज पाण्डे विजयी भइसकेका छन् ।

पाण्डेले ११ हजार ५ सयको मतान्तरमा चुनाव जितेका हुन् । उनले १६ हजार ८८२ मत पाउँदा नेकपा एमालेका बसन्त गुरुङले ५ हजार ३६० मत पाए ।