एजेन्सी । इंग्ल्यान्डले टी–२० विश्वकप सुपर–१२ को ग्रुप–१ को अन्तिम लिग खेलमा श्रीलंकालाई पराजित गरेको छ ।

सिड्नीमा शनिबार भएको खेलमा इंग्ल्यान्डले श्रीलंकालाई ४ विकेटले पराजित गरेको छ । जितसँगै इंग्ल्याण्डले टी–२० विश्वकप क्रिकेटको सेमिफाइनलमा स्थान पक्का बनाएको छ ।

श्रीलंकाले दिएको एक सय ४२ रनको लक्ष्य इंग्ल्याण्डले ६ विकेट गुमाएर २ बल बाँकी छँदै भेटायो ।

आजको नतिजाले आयोजक अष्ट्रेलिया समेत प्रतियोगिताबाट बाहिरिएको छ । इंग्ल्याण्डसँग समान ७ अंक भए पनि रन रेटका आधारमा पछि पर्दै अष्ट्रेलिया बाहिरिएको हो ।