डडेल्धुरा । नेपाली कांग्रेसकी नेत्री डा.आरजु राणा देउवाले हेलिकोप्टरमा उडेर आउनसक्ने मान्छेलाई जिताउन मतदातालाई आग्रह गरेकी छन् ।

गृह जिल्ल्लाको चुनावी सभालाई सम्बोधन गर्दै प्रधानमन्त्री पत्नी समेत रहेकी राणाले यस्तो बताएकी हुन् ।

उनले भनेकी छिन्’ ‘जसरी आज हामी हेलिकोप्टरमा आयौं। आजभन्दा १०–१५ वर्ष अगाडि यहाँ हेलिकोप्टरमा उडेर आउनसक्ने क्षमता बनाउनसक्ने मान्छेलाई छान्नुस।

नेपाली कांग्रेसको रुख छापमा तपाईंहरूकै गाउँको शेरबहादुर देउवा जिलाई जितानुस्।’

उनको कटाक्ष स्वतन्त्र उम्मेदवार सागर ढकालतिर लक्षित थियो, जो कांग्रेस सभापति एवं प्रधानमन्त्री शेरबहादुर देउवाकै क्षेत्रमा उठेका छन् ।

यसअघि फ्रि भिसामा मलेसिया पठाइदिने अनि कांग्रेसले जितेको पालिकामा मात्रै बजेट पठाइदिने भनेर उनी विवादमा परेकी थिइन् ।