काठमाडौं । आईसीसी टी–२० विश्व कप क्रिकेटमा अस्ट्रेलियाले आयरल्यान्डलाई पराजित गरेको छ ।

सोमवार ब्रिस्बेनमा भएको खेलमा अस्ट्रेलियाले आयरल्यान्डलाई ४२ रनले पराजित गर्दै दोस्रो जित निकालेको हो ।

अष्ट्रेलियाले सुपर १२ को समूह १ मा दोस्रो जित निकाल्दै सेमिफानल पुग्ने सम्भावना पनि जिवित राखेको छ ।

प्रतियोगितामा चौथो खेल खेलिरहेको अष्ट्रेलियाले आयरल्यान्डलाई ४२ रनले पराजित गर्दै सेमिफाइनलमा पुग्ने सम्भावना जिवित राखेको हो ।

अष्ट्रेलियाले दिएको १ सय ८० रनको लक्ष्य पछ्याउने क्रममा आयरल्यान्ड १८ दशमलब १ ओभरमा १३७ रनमा अलआउट भयो ।

जितसँगै अस्ट्रेलिया चार खेलमा पाँच अङ्कसहित समूह १ को दोस्रो स्थानमा पुगेको छ ।