एजेन्सी । अष्ट्रेलियामा जारी टि–ट्वान्टी विश्वकप क्रिकेटमा भारतले नेदरल्याण्डलाई ५६ रनले हराएको छ । पहिले ब्याटिङ गरेको भारतले नेदरल्याण्डलाई १८० को लक्ष्य दिएको छ ।

दोस्रो इनिङ्गमा ब्याटिङ गरेको नेदरल्याण्डले २० ओभरमा ९ विकेट गुमाएर १ सय २३ रन मात्रै बनायो ।भारतले निर्धारित २० ओभरमा १ सय ७९ रन बनाएको छ ।

भारतका लागि विराट कोहलीले ४४ बलमा दुई छक्का र तीन चौका ६२ रन बनाए । यस्तै सूर्यकुमार यादवले ५१, रोहित शर्माले ५३ र के एल राहुलले ९ रन बनाएका थिए । नेदरल्याण्डका लागि फ्रेड क्लासिन र बस डी लिडीले समाज १–१ विकेट लिए ।

नेदरल्याण्डका लागि सबैभन्दा बढी रन टिम प्रिंगलले बनाए । उनले १५ बलमा समान एक चौका एक छक्का सहित २० रन बनाए । कोलिन अकरम्यानले २१ बलमा एक चौकासहित १७ रन बनाए ।

त्यस्तै म्याक्स ओडाउड र बस डी लिडी र सरिज अहमदले समान १६ रनको योगदान गरेका थिए । त्यस्तै पउल भेन मिकरिनले १४, टोम कुपरले ९, स्कट एडवर्डले ५ विक्रमजीत सिंहले १ रन बनाए ।

भारतका लागि भुवनेश्वर कुमार, अर्शदीप सिंह, अक्षर पटेल र रविचन्द्र अश्विनले समान २ विकेट लिए । महेमद सामीले एक विकेट लिए । जीतसँगै भारत समूहकाे पहिलाे स्थानमा उक्लिएकाे छ ।

दुई खेलमा दुवै खेल जितेर उसले चार अंक जाेडेकाे छ । अघिल्लो खेलमा भारतले पाकिस्तानलाई हराएकाे थियाे ।