काठमाडौं । पसल फोडेर मदिरा चोर्दै गरेका दुईजना पक्राउ परेका छन् ।

चन्द्रागिरी गनरपालिका–४ थानकोटस्थित त्रिभुवन पार्कमा रहेको देवरत्न कोल्ड स्टोर गएराति ११ बजे फुटाएर चोर्दै गर्दा उनीहरु पक्राउ परेका हुन् ।

पक्राउ पर्नेमा अर्घाखाँचीको छत्रदेव गाउँपालिका–२ घर भएका ५८ वर्षका अर्जुनबहादुर कुमाल र धादिङको त्रिपुरासुन्दरी गाउँपालिका घर भएका ५० वर्षीय अर्जुन अधिकारी छन् ।

उनीहरुको साथबाट चोरेर प्याक गर्दै गरेको सिग्नेचर ५ बोतल, ब्लु रिमाईन्ड १ बोतल एप्पल साईडर १ बोतल , गोल्डेक वाक ११ बोतल र रोयल विस्की २ बोतल सहित विभिन्न ब्राण्डका मदिरा बरामद गरिएको प्रहरीले जनाएको छ ।

उनीहरुमाथि चोरी मुद्दा दर्ता गरेर प्रहरी वृत थानकोटबाट अनुसन्धान भइरहेको छ ।