काठमाडौं । थारु समुदायलाई मधेशी क्लस्टरमा समावेश गरेकोप्रति थारु अधिकारकर्मीहरूले विरोध गरेका छन् ।

थारु कल्याणकारिणी सभा, थरुहट थारुवान राष्ट्रिय मोर्चा, थारु विद्यार्थी समाज, थारु नागरिक समाजले संयुक्त विज्ञप्ति जारी गर्दै थारु समुदायलाई मधेशीमा सूचीकरण नगर्न माग गरेका हुन् ।

थारु कल्याणकारिणी सभाका कार्यवाहक सभापति माधव चौधरीले थारु जातिलाई मधेशीमा समावेश गरिनु गैरजिम्मेवारीपूर्ण कार्य रहेको बताए ।

मधेशी आयोगले पेस गरेको चौंथो वार्षिक प्रतिवेदनमा थारु समुदायलाई मधेशी क्लस्टरमा सूचीकरण गरिएको छ।

मधेशी आयोगले आधार प्रमाणबिना राजनीतिक आडमा आदिवासी थारु जातिलाई मधेशीमा सूचीकरण गरेको विज्ञप्तिमा उल्लेख छ ।