काठमाडौं । युरोपियन युनियन (ईयू) ले इरानी ड्रोन उत्पादक र सेनाका उच्च अधिकारीविरुद्ध प्रतिबन्ध लगाएको छ ।

ईयूको आधिकारिक जर्नलमा राखिएको काउन्सिल इम्प्लिमेन्टिङ रेगुलेसनका अनुसार इरानी ड्रोन उत्पादक शहेद एभिएसन इन्डस्ट्रिज र तीन जेनेरललाई प्रतिबन्ध लगाएको हो ।

युक्रेनविरुद्ध रुसको अव्यवहारिक र अन्यायपूर्ण आक्रामक युद्धका लागि इरानी शासनले सहयोग गरेको भन्दै ईयूले प्रतिबन्ध लगाएको हो ।

मानवरहित सवारीको विकास र डेलिभरीमा संलग्न शहेद एभिएसन इन्डस्ट्रिज र उच्च पदस्थ तीन सैनिक अधिकारीलाई प्रतिबन्ध लगाइएको ईयूले बताएको छ ।