कास्की । सशस्त्र प्रहरीको एपीएफ क्लबले नवौँ राष्ट्रिय खेलकुद प्रतियोगिताअन्तर्गत पुरुष फुटबलमा स्वर्ण पदक जितेको छ ।

बिहीवार पोखरा रङ्गशालामा भएको फाइनल खेलमा डिफेन्डिङ च्याम्पियन त्रिभुवन आर्मी क्लबलाई सडेन डेथमा स्तब्ध बनाउँदै एपीएफले स्वर्ण पदक जितेको हो ।

एपीएफले आर्मीलाई पेनाल्टी सुटआउटमा ६–५ अन्तरले पराजित गरेको हो ।

यसअघि निर्धारित ९० मिनेट र थपिएको ३० मिनेटको खेलमा दुवै टोलीले गोलरहित बराबरी खेलेका थिए ।