सर्लाही । सर्लाहीमा लुटपाट गर्न आएका लुटेरा समूहले सहकारी संस्थाका प्रमुखमाथि गोली प्रहार गरेका छन्।

सर्लाहीको बागमती नगरपालिका-१, मिलनचोकस्थित सगुन बचत तथा ऋण सहकारी संस्था हरिवनको सेवा केन्द्रका प्रमुख साजन कार्कीमाथि लुटेरा समूहले गोली प्रहार गरेका हुन् ।

गोली प्रहार गरेपछि ३ जना भारतीय नम्बर प्लेटको एउटै मोटरसाइकलमा चढेर दक्षिणतर्फ भागेका छन्।

लुटेरा समूहले रकम लुटेर लगे कि लगेनन् भन्ने कुरा एकिन भइनसकेको प्रहरीले जनाएको छ ।

तिघ्रा, कुम, ढाड र कोखामा गोली लागेका घाईते कार्कीको हरिवनस्थित सरस्वती अस्पतालमा प्राथमिक उपचारपश्चात् थप उपचारका लागि काठमाडौं पठाइएको छ।

लुटेरा समूहले बिहान कार्यालय खोल्नेबित्तिकै कार्कीमाथि आक्रमण गरेर लुटपाट गरेका थिए ।