काठमाडौं । नवौं राष्ट्रिय खेलकुद अन्तर्गत एथलेटिक्सको ५ हजार मिटर महिला दौडमा बागमती प्रदेशकी सन्तोषी श्रेष्ठले स्वर्ण पदक जितेकी छिन् ।

पोखरा रंगशालामा आज विहान भएको खेलमा नेपाल पुलिस क्लबकी राजपुरा पछाईलाई पछि पार्दै सन्तोषीले स्वर्ण जितेकी हुन्। सन्तोषीले निर्धारित दुरी १७ मिनेट ०५.२९ सेकेन्डमा पूरा गरिन्।

सन्तोषीले १० हजार मिटरमा समेत स्वर्ण जितेकी थिइन् । आर्मी क्लबकी पुर्णलक्ष्मी न्यौपानेले कास्य जितिन्।

४ सय मिटर हर्डल्समा आर्मीका रामप्रसाद थारुले स्वर्ण जितेका छन्। प्रतियोगिता अन्तरगत आज २६ खेल हुने तालिका छ।