काठमाडौं । पश्चिम नवलपरासीमा अवैध चिनीसहित दुईवटा ट्रक नियन्त्रणमा लिइएको छ ।

जिल्लाको प्रतापुर गाउँपालिका–२ र रामग्राम नगरपालिका–५ स्थित भैरहवा–परासी राजमार्गबाट सशस्त्र प्रहरीले बुधबार करिब ९० लाख रुपैयाँबराबरको ८४० बोरा अवैध चिनीसहित दुई ट्रक नियन्त्रणमा लिएको हो ।

ना६ख २१९७ र लु१ख ९८७१ नम्बरको ट्रकमा लोड गरिराखेको उक्त चिनी र ट्रक बरामद गरिएको हो ।

बरामद गरिएको चिनी र ट्रक आवश्यक कारबाहीका लागि महेशपुर भन्सार कार्यालयमा बुझाइएको बताइएको छ ।