पोखरा । विभागीय क्लब एपीएफ नवौं राष्ट्रिय खेलकुदको फाइनलमा प्रवेश गरेको छ । सोमबार पोखरा क्रिकेट मैदानमा भएको खेलमा एपीएफले लुम्बिनी प्रदेशलाई ६७ रनले हराएको हो ।

एपीएफले दिएको १३० रनको लक्ष्य पछ्याएको लुम्बिनीले १८ ओभर २ बलमा सम्पूर्ण विकेट गुमाउँदै मात्र ६२ रन बनायो । लुम्बिनीका लागि सुस्मिता बजगाईंले १२ रन बनाउन बाहेक अन्य खेलाडीले दोहोरो अंकमा रन जोड्न सकेनन् ।

लुम्बिनीलाई सस्तैमा समेट्न एपीएफका लागि नेरी थापाले सर्वाधिक ४ विकेट लिइन् । त्यस्तै रेखा रावल, सुमन विष्ट, सीता रानामगर र इन्दु बर्माले एक–एक विकेट लिए ।

यसअघि पहिले ब्याटिङ गरेको एपीएफले जोती पाण्डेले ६९ रनको अर्धशतकीय पारी खेलिन् । त्यस्तै ममता चौधरीले १६ रन बनाउँदा रोमा थापाले १२ तथा सीता राना मगरले ११ रन जोडिन् ।

लुम्बिनीका लागि कृतिका मरासिनीले दुई विकेट लिँदा मानेसा रानाले एक विकेट लिइन् । अब एपीएफले फाइनलमा नेपाल पुलिस क्लब र बागमती प्रदेश बीचको विजेतासँग खेल्नेछ ।