काठमाडौं । राजस्व चुहावट तथा तस्करी नियन्त्रणबारे मातहतले गरेको कामको अनुगमन गर्न सशस्त्र प्रहरी बल प्रधान कार्यालयले सात वटै प्रदेशमा विशेष टोली परिचालन गरेको छ ।
सशस्त्र प्रहरी बरिष्ठ उपरीक्षक (एसएपी) र सशस्त्र प्रहरी उपरीक्षक (एसपी) को कमाण्डमा प्रधान कार्यालयबाट सो टोली खटिएको हो । विशेष टोलीलाई सशस्त्रका कर्मचारीले गलत काम गरेको भेटिए फिल्डमै कारवाही गर्न सक्ने अधिकारसमेत दिइएको छ ।
सीमा क्षेत्रमा रहेका सशस्त्र प्रहरी बलका युनिटहरूको अनुगमन गरेर प्रतिवेदन बुझाउन सो टिमलाई आईजीपी राजु अर्यालले निर्देशन दिएका हुन् ।
सो टोलीले मंसिर ४ मा हुने प्रतिनिधि तथा प्रदेशसभा सदस्य निर्वाचन सुरक्षाको अवस्था त्यसबारे भइरहेका गतिविधिबारे पनि अनुगमन गर्ने बताइएको छ ।