बझाङ । सडकमाथिबाट खसेको सुख्खा पहिरोले जयपृथ्वी राजमार्ग शनिबार बिहानैखेखि अवरुद्ध बनेको छ।

जयपृथ्वी राजमार्गअन्तर्गत छबिसपाथिभेरा गाउँपालिका– १ बालुवाटार नजिकै सडकमाथिबाट सुख्खा पहिरो खस्दा यातायात सेवा अवरुद्ध भएको हो ।

पहिरोका कारण बझाङ सदरमुकाम चैनपुरसँगको सम्पर्कविच्छेद भएको छ। बिहानैदेखि सदरमुकाम चैनपुरबाट छुटेका बस, मालबाहक ट्रक र जीप रोकिएको प्रहरीले जनाएको छ।

अवरुद्ध सडक खुलाउन पहल भइरहेको जिल्ला प्रहरी कार्यालय बझाङले जनाएको छ । सडक डिभिजन कार्यालय बैतडीको डोजर परिचालन गरी सडक खुलाउन प्रयास भइरहेको छ।