काठमाडौं । नागरिक उन्मुक्ति पार्टीका रेशम चौधरीको उम्मेदवारी खारेज भएको बर्दिया क्षेत्र नम्बर २ मा उनको बुवा चुनाव लड्ने भएका छन् ।
रेशमको उम्मेदवारी खारेजपछि सो क्षेत्रमा उनकै पिता लालवीर चौधरीलाई नागरिक उन्मुक्ति पार्टीले आधिकारिक उम्मेदवारका रुपमा अघि सार्ने भएको हो ।
निर्वाचन आयोगले मंगलबार चौधरीको उम्मेदवारी खारेज गरिदिएको थियो । लालवीरले बर्दिया–२ मा स्वतन्त्र उम्मेदवारी दिएका थिए ।
रेशम उम्मेदवार बन्न नपाएपछि सो क्षेत्रमा नागरिक उन्मुक्ति पार्टीले उनकै पिता लालवीरलाई आधिकारिक उम्मेदवारका रुपमा अघि सार्ने भएको नागरिक उन्मुक्ति पार्टीले जनाएको छ ।
लालवीर चौधरी २०७४ को निर्वाचनमा नेकपा एमालेबाट प्रदेशसभा सदस्यका लागि उम्मेदवार बनेका थिए ।