काठमाडौं । इजरायल सरकारले नेपालबाट कृषि क्षेत्रमा श्रमिक लैजाने जनाएपछि नेपाल सरकारले त्यसका लागि अध्ययन कार्यदल गठन गरेको छ ।

श्रम, रोजगार तथा सामाजिक सुरक्षा मन्त्रालयले इजरायल सरकारको तर्फबाट नेपाली कृषि कामदार लैजाने भएपछि त्यसबारे अध्ययन गरी कार्यान्वयनको कार्ययोजना बनाउन टोली गठन गरेको हो ।

श्रममन्त्री शेरबहादुर कुँवरले आफ्नो ९० दिनको कार्यप्रगति प्रस्तुत गर्दै केयरगिभर बाहेक कृषि क्षेत्रमा समेत नेपालीलाई रोजगारीको अवसर दिने बताए ।

इजरायलले हाल नेपालबाट १ हजार केयरगिभर लैजाने क्रम जारी राखिरहेका बेला कृषि क्षेत्रमा समेत थप १ हजार नेपाली लैजाने प्रतिबद्धता जनाएको छ ।

नेपालबाट १ हजारभन्दा बढी केयरगिभर माग गरिसकेको इजरायलले पछिल्लो समय नेपालबाट कृषि क्षेत्रका लागि समेत श्रमिक लैजाने भएको हो । कारोबार दैनिकबाट