काठमाडौं । नेकपा माओवादी केन्द्रले काठमाडौं क्षेत्र नम्बर–७ मा मानुषी यमी भट्टराईलाई उम्मेदवार बनाएको छ ।

पूर्वप्रधानमन्त्री बाबुराम भट्टराई र पूर्वमन्त्री हिसिला यमीकी छोरी मानुषीलाई माओवादीले काठमाडौं ७ बाट उम्मेदवार बनाएको हो । उनी नेपाल समाजवादी पार्टीकी केन्द्रीय सदस्य हुन् ।

नेपाल समाजवादी पार्टीका नेताहरुले माओवादी केन्द्रको चुनाव चिह्नबाट आसन्न निर्वाचनमा प्रतिस्पर्धा गर्ने सहमति भइसकेको छ ।

मानुषीले आफूले टिकट लिइसकेको र उम्मेदवारी दर्ताको तयारीमा रहेको बताइन् । उनले यसअघि घरदैलो कार्यक्रमसहित चुनाव प्रचारप्रसार सुरु गरिसकेकी थिइन् ।