बारा । बाराको अमलेखगञ्जमा बिहीबार बिहान बारामा बिहीबार बस दुर्घटना हुँदा १२जनाको घटनास्थलमै मृत्यु भएको छ ।

नारायणगढबाट पथलैया हुँदै वीरगञ्ज जाँदै गरेको बा०६-००१ ख-०११० नम्बरको बस बिहान साढे १० बजेतिर दुर्घटना भएको हो ।

बस दुर्घटना हुँदा कम्तीमा १२ जनाको मृत्यु भएको छ भने २० जना गम्भीर घाइते छन् ।

प्रहरीका अनुसार घाइतेहरुलाई उपचारका लागि हेटौंडा लगिँदै छ । दुर्घटना मकवानपुर र बाराको सिमानामा भएको हो ।

बसमा ३५ देखि ४० जना यात्रु रहेको प्रहरीले जनाएको छ । जितपुरसिमरा उपमहानगरपालिका २२ मा दुर्घटना भएको हो ।

घटनामा ठूलो क्षति भएको र थप विवरण आउन बाँकी रहेको जिल्ला प्रहरी कार्यालय बाराले जनाएको छ ।